مەودا میدیا-

شەوی رابردوو لە سنووری نێوان هەورامان و رۆژهەڵاتی کوردستان چەکدارانی ئێران کۆڵبەرانیان کرە ئامانج و تەقەیان لێکردن و بەوهۆیەوە پێنج کۆڵبەر کوژران و حەوت کۆڵبەری دیکەش برینداربوون.

درەنگانی شەوی رابردوو کاروانێکی کۆڵبەران دەکەونە بۆسەی چەکدارانی ئێرانەوە لە  لە بەرزاییەکانی شاری نەوسوود سەر بە پارێزگای کرماشان تەقەیان لێدەکرێت و بەوهۆیەوە پێنج کۆڵبەر دەکوژرێن و حەوت کۆڵبەری دیکەش بریندار دەبن.

ئەو کۆڵبەرانەی بوونەتە قوربانی خەڵکی شارەکانی پاوە و نەسود و مەریوانن کە کاری کۆلبەریان کردووە لە سنوورەکانی رۆژهەڵات و هەرێمی کوردستان.