کوردستانی
پەیامێکی بەپەلە لە یەکێتییەوە
مەودا میدیا - سلێمانی |
مەودا میدیا-
یەکێتی نیشتیمانیی کوردستان لەسەر بڕیارەکەی دادگەی فیدراڵی هەڵوێستی خۆی ئاشکراکرد و رایگەیاند، وێڕای پاراستنی بنەماکانی دەستووری عیراقی فیدڕاڵ، دەبوایە لەم بڕیارەدا مافە دەستوورییەکانی هەرێمی کوردستان رەچاو بکرایە.
ئەمین بابەشێخ، وتەبێژی یەکێتی نیشتیمانی کوردستان لە روونکردنەوەیەکدا سەبارەت بە بڕیاری دادگەی باڵای فیدراڵی عیراق لە بارەی یاسای نەوت و غازی هەرێمی کوردستان رایگەیاند "پێویستە و دەکرێت لەم قۆناغەدا بیر لە چارەسەرکردنی کێشەکانی نێوان هەرێمی کوردستان و حکومەتی فیدڕاڵی عیراق بکرێتەوە، نەک کێشەکان ئاڵۆزتر بکرێن".
جەختیشیکردەوە "پێویست بوو دوای پێکهێنانی کابینەی نوێی حکومەتی عیراقی فیدڕاڵ بە پشتبەستن بە بنەما دەستوورییەکان دانوستان لەسەر ئەم پرسە و پرسەکانی دیکە بکرانایە لەنێوان حکومەتی هەرێمی کوردستان و حکومەتی فیدڕاڵی عیراق".
وتەبێژی یەکێتی دەشڵێت "داوامان لە هەموو لایەنەکان ئەوەیە کە دەستوور بۆ هیچ مەرامێکی بەرتەسکی سیاسی پێشێل نەکرێت، بۆ پرسێکی وەک یاسای نەوت و غاز و گشت پرسە چارەنووسسازەکانی دیکە، دەقە دەستوورییەکان جێبەجێبکرێن".
ئاماژەی بەوەشکردووە "لەپێناو پاراستنی سیستەمی فیدڕاڵی و سەرخستنی پرۆسەی سیاسی لە عیراقدا، داوا لە گشت لایەنەکان دەکەین کە بە گفتوگۆ و لێکتێگەیشتنی سیاسی گرفتەکان چارەسەر بکرێن".
دادگەی فیدڕاڵی عیراق دوێنێ سێشه‌ممه کۆبووەوە و دوای کۆبوونەوەکە لە نووسراوێکدا چەند بڕیارێکیدا و تیایدا هاتووە، له كۆبوونه‌وه‌ی دادگەكه‌دا بڕیاردراوه كه یاسای نه‌وت و غازی هه‌رێمی كوردستان "ده‌ستوری نییه" و پێویسته هه‌ڵبوه‌شێنرێته‌وه چونكه بڕیاری ده‌رهێنان و فرۆشتنی نه‌وتی هه‌رێمی كوردستان پێچه‌وانه‌ی ماده‌كانی (110، 111، 112، 115، 121 و 130)ی كۆماری عیراقه هه‌روه‌ها حكومه‌تی عیراق به‌تایبه‌تی وه‌زاره‌تی نه‌وت و دیوانی چاودێری دارایی عیراق پابه‌ندكراون كه چاودێری ته‌واوی گرێبه‌سته‌كانی فرۆشتنی نه‌وت و گاز بكه‌ن.
ر. ئ.
یەکێتی نیشتیمانیی کوردستان لەسەر بڕیارەکەی دادگەی فیدراڵی هەڵوێستی خۆی ئاشکراکرد و رایگەیاند، وێڕای پاراستنی بنەماکانی دەستووری عیراقی فیدڕاڵ، دەبوایە لەم بڕیارەدا مافە دەستوورییەکانی هەرێمی کوردستان رەچاو بکرایە.
ئەمین بابەشێخ، وتەبێژی یەکێتی نیشتیمانی کوردستان لە روونکردنەوەیەکدا سەبارەت بە بڕیاری دادگەی باڵای فیدراڵی عیراق لە بارەی یاسای نەوت و غازی هەرێمی کوردستان رایگەیاند "پێویستە و دەکرێت لەم قۆناغەدا بیر لە چارەسەرکردنی کێشەکانی نێوان هەرێمی کوردستان و حکومەتی فیدڕاڵی عیراق بکرێتەوە، نەک کێشەکان ئاڵۆزتر بکرێن".
جەختیشیکردەوە "پێویست بوو دوای پێکهێنانی کابینەی نوێی حکومەتی عیراقی فیدڕاڵ بە پشتبەستن بە بنەما دەستوورییەکان دانوستان لەسەر ئەم پرسە و پرسەکانی دیکە بکرانایە لەنێوان حکومەتی هەرێمی کوردستان و حکومەتی فیدڕاڵی عیراق".
وتەبێژی یەکێتی دەشڵێت "داوامان لە هەموو لایەنەکان ئەوەیە کە دەستوور بۆ هیچ مەرامێکی بەرتەسکی سیاسی پێشێل نەکرێت، بۆ پرسێکی وەک یاسای نەوت و غاز و گشت پرسە چارەنووسسازەکانی دیکە، دەقە دەستوورییەکان جێبەجێبکرێن".
ئاماژەی بەوەشکردووە "لەپێناو پاراستنی سیستەمی فیدڕاڵی و سەرخستنی پرۆسەی سیاسی لە عیراقدا، داوا لە گشت لایەنەکان دەکەین کە بە گفتوگۆ و لێکتێگەیشتنی سیاسی گرفتەکان چارەسەر بکرێن".
دادگەی فیدڕاڵی عیراق دوێنێ سێشه‌ممه کۆبووەوە و دوای کۆبوونەوەکە لە نووسراوێکدا چەند بڕیارێکیدا و تیایدا هاتووە، له كۆبوونه‌وه‌ی دادگەكه‌دا بڕیاردراوه كه یاسای نه‌وت و غازی هه‌رێمی كوردستان "ده‌ستوری نییه" و پێویسته هه‌ڵبوه‌شێنرێته‌وه چونكه بڕیاری ده‌رهێنان و فرۆشتنی نه‌وتی هه‌رێمی كوردستان پێچه‌وانه‌ی ماده‌كانی (110، 111، 112، 115، 121 و 130)ی كۆماری عیراقه هه‌روه‌ها حكومه‌تی عیراق به‌تایبه‌تی وه‌زاره‌تی نه‌وت و دیوانی چاودێری دارایی عیراق پابه‌ندكراون كه چاودێری ته‌واوی گرێبه‌سته‌كانی فرۆشتنی نه‌وت و گاز بكه‌ن.
ر. ئ.
بیروڕا
