مەودا میدیا-

بەڕێوەبەرایەتیی گشتیی تەندروستیی سلێمانی ئاشکرای کرد 24 نۆرینگە ودەرمانخانە و تاقیگە و کۆمەڵگەی پزیشکی لە قەزای سەیدساق داخراون کە سەرپێچییان کردووە.

لە راگەیەندراوەکەدا هاتووە "لەپێناو سەلامەتی تەندروستیی هاوڵاتییان و بەدەستکەوتنی باشترین کوالێتی پێداویستیی پزیشکی و دەرمان لیژنەکانی بەشی پشکنین و بەدواداچوونی بەڕێوبەرایەتیی گشتیی تەندروستیی سلێمانی سەردانی  قەزای سەیدسادقی کرد".

نیان حەمە ئەمین، بەڕێوەبەری بەشی پشکنین و بەدواداچوون رایگەیاند "لەئەنجامی گەڕان و بەسەرکردنەوەکانمان 24 شوێن کە پێکهاتبوون لە سێ کۆمەڵگەی پزیشکی و پێنج دەرمانخانە و یانزە نۆرینگەی پزیشکی و سێ عیادەی پزیشکی و دوو تاقیگە گەڕان و پشکنینیان بۆ ئەنجامدرا دەرکەوت بەشێک لە دەرمانخانەکان و تاقیگە و کۆمەڵگە پزیشکییەکان مۆڵەتی کارکردنیان نەبوو جگە لەوەش هەندێکیان مۆڵەتی کارکردنیان بەسەر چووبوو تازە نەکرابوونەوە وەک لیژنەکە بڕیاردرا بەداخستنیان".

راشیگەیاند "بەپێی مەرج و رێنماییەکانی وەزارەتی تەندروستی نابێت هیچ نۆرینگە و تاقیگە و عیادە و کۆمەڵگەی پزیشکی لە کاتی دەوامی فەرمیدا کراوەبن".

س،ر