مەودا میدیا-

بەیانی ئەمڕۆ هاوڵاتییەکی دانشتووی گوندی وەلی هەر سەر بە ناحیەی سەرقەڵای قەزای کەلار دوای پەیوەندیکردن بە کەسوکارییەوە کۆتایی بە ژیانی خۆی هێناوە.

عەلی جەمال قدووری، وتەبێژی پۆلیسی گەرمیان رایگەیاند "سەرلەبەیانی ئەمڕۆ سێشەممە 1ی ئازاری 2022 هاوڵاتییەکی دانشتووی گوندی وەلی هەر سەر بە ناحیەی سەرقەڵا لە شوێنی کارکردنی کە بەخێوکردنی پەلەوەرە لە قەزای کەلار دوای پەیوەندیکردنی بە کەسوکاری کۆتایی بە ژیانی خۆی هێناوە".

ئاماژەی بەوەشکرد "هۆکاری خۆکوشتنی بەپێی وتەی کەس و کاری کۆچ کرد و قەرزاری بووە، پەڕاوی لێکۆڵینەوەی بۆکراوە و تەرمەکەی بە مەبەستی توێکاری لە پزیشکی دادگەری کەلار".

س،ر