مەودا میدیا-

بەوتەی لیژنەی تەندروستی وڵاتی چینى لە ماوەی 24 كاتژمێری رابردوو زیاتر لە 130 كەس بەهۆی كۆرۆناوە مردوون.

لیژنەی نیشتمانی تەندورستی چین لە راگەیەندراوی رۆژانەی خۆیدا باسی لەوەكردووە "ژمارەی توشبووانی ڤایرۆسی كۆرۆنا بەردەوام لەبەرزبوونەوەدایە و تەنیا لە 24 كاتژمێری رابردوو 132 كەس بەهۆی ئەو ڤایرۆسەوە مردوون و نزیكەی دوو هەزار كەسیش ڤایرۆسەكەیان توشبووە".

ئەوەشیان خستەوەتەڕوو "ئاماری توشبووانی ئەو ڤایرۆسە گەشتوەتە سەرو 75 هەزار كەس و لەو ژمارەیەش سەرو 10 هەزار كەس چارەسەركراون و كۆی ژمارەی مردوانیش سەرو هەزار كەسی تێپەڕاندووە".

ڤایرۆسی كۆرۆنا سەرەتا لە وڵاتی چینەوە بڵاوبووەتەوە و لە ئێستا لە 30 وڵاتی جیهانەوە هاوڵاتیان توشی ئەو ڤایرۆسە بوون.