مەودا میدیا-

بەڕێوەبەرایەتی پۆلیسی دارستان و ژینگەی پارێزگای سلێمانی دەستگیرکردنی پێنج تۆمەتباری راگەیاند بە تۆمەتی هەڵکەندنی بیر بەشێوەیەکی نایاسایی.

لە راگەیەندراوێکدا بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند "لە ئەنجامی گەڕان و پشکنینی سنووری چالاکییەکانیان کارمەندانی بەشی پۆلیسی دارستانی سەیدسادق بە تۆمەتی هەڵکەندنی بیر توانیان سێ هاوڵاتیی لە سنووری گوندی (شاتوان) لە قەزای سەیدسادق دەستگیر بکەن."  

راشیگەیاند "دەستگیرا بەسەر ئامێرێکی بیر هەڵکەندن و پەڕاوی لێکۆڵینەوە رێکخراوە و ڕادەستی بەڕێز دادوەرکراوە بۆ وەرگرتنی رێکاری یاسایی".  

ئاماژە بەوەکراوە "لە ئەنجامی گەڕان و پشکنین و چاودێریکردنی سنورەکەیان مەفرەزەیەك لە کارمەندانی بنکەی پۆلیسی دارستانی پیرەمەگرون دوای دەرچوونیان بۆ سنووری گوندی (حەسەن تەپە) توانیان دوو هاوڵاتی دەستگیر بکەن کە سەرقاڵی هەڵکەندنی بیر بوون، هاوکات دەستگیرا بەسەر ئامێرێکی بیر هەڵکەندن و یەک ئامێری جۆری تراکتۆر".

س،ر