مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی سێ تۆمەتباری راگەیاند بە تۆمەتی دزینی کەلوپەل و بۆری ئاوی کشتوکاڵی لە قەزای پێنجوێن.

لە راگەیەندراوەکەی پۆلیسدا هاتووە "دوای ئەوەی ئەوەی چەند هاوڵاتییەك سكاڵایان لە بنكەی پۆلیسی پێنجوێن تۆماركرد كەوا كەلوپەل و بۆری ئاوی كشتوكاڵییان لێدزراوە، پۆلیسی پێنجوێن لێكۆڵینەوەكانی دەستپێكرد و دوای وەرگرتنی زانیاری لەسەر تۆمەتباران توانرا سێ‌ تۆمەتبار دەستگیربكرێن و دەستیش بگیرێت بەسەر ئۆتۆمبێلێك و ژمارەیەكی زۆر بۆری كشتوكاڵی كە بەتۆمەتباران بووە".

ئەوەش هاتووە "لەئێستادا هەرسێ‌ تۆمەتبار (ب ، ر ، ف تەمەن 23 ساڵ)، (ف ، ج ، ع تەمەن 24 ساڵ)، (ش ، أ ، ع تەمەن 22 ساڵ) كە پێشینەی تاوانی دزییان هەیە بە بڕیاری بەڕێز دادوەر ڕاگیراون و لێكۆڵینەوە لەگەڵیان بەردەوامە و دانیان ناوە بەتاوانەكەیاندا".

س،ر