مەودا میدیا-

بەڕێوەبەرایەتیی کەشناسی و بوومەلەرزەزانی هەرێمی کوردستان پێشبینییەکانی کەشوهەوای شارەکانی هەرێمی کوردستانی بۆ ئەمشەو و سبەینێ بڵاوکردەوە.

لە راگەیەندراوەکەدا هاتووە "پێشبینى دەکرێت ئەمشەو ئاسمانى هەرێمی کوردستان هەور بێت لە گەڵ بارینى نمە باران و بارانى مام ناوەند تا دوای نیوەشەو، پاشان کاریگەرى باران بارین لە سەنتەرى شارەکان نامێنێت، تەنها لە ناوچە شاخاوییەکان باران و بەفر دەبارێت، هاوکات بارستە هەوایەکى سارد شۆڕدەبێتەوە بۆ ناو خاکى هەرێم و پێشبینى دەکرێت سبەىنێ پلەکانى گەرما لە سەنتەرى شارەکان (3-4) پلەى سیلیزى دابەزێت لە ناوچە شاخاوییەکانیش بۆ ژێر سفرى سیلیزى نزم ببێتەوە".
 
ئەوەش هاتووە "بەفر بارین لە سەر لوتکەى شاخەکان تا سبەىنێ رۆژی شەممە بە لاوازى بەردەوام دەبێت، هەروەها  لە ناوچەکانى باشوورى هەرێم تۆز و خۆڵ دەبێت".

ئەمەى خوارەوە رێژەی بارا بارینى 12 کاتژمێرى رابردووە لە ناوچەکانی هەرێمی کوردستان:

هەولێر 0.3 ملم
پیرمام  3.9 ملم
سلێمانى 2.1 ملم
چەمچەماڵ 0.3 ملم
دهۆک 8.1 ملم
زاخۆ 11.0 ملم
ئاکرێ 1.4 ملم
ئامێدى 4.4 ملم
بامەرنێ 6.8 ملم
بارزان 2.8 ملم
بازیان 1.0 ملم
دەربەدیخان 2.6 ملم
دوکان 0.6 ملم
هەڵەبجە 2.2 ملم
هەڵشۆ 4.4 ملم
کانى ماسى 5.6 ملم
خەبات 1.8 ملم
مەیدان 0.6 ملم
سۆران 7.6 ملم
شەمامک 0.1 ملم
کەرکوک دڵۆپ دڵۆپ

س،ر