مەودا میدیا-

سەرۆکی حکومەتی هەرێمی کوردستان پەیامێکی لەبارەی مووشەکبارانکردنی هەولێر بڵاوکردەوە و ئاماژە بەوەدەکات  "هەولێر خۆی بۆ ترسنۆکان ناچەمێنێت".

مەسرور بارزانی، سەرۆکی حکومەتی هەرێمی کوردستان لە پەیامێکدا کە لە لاپەڕەی تایبەتی خۆی لە تۆڕی کۆمەڵایەتیی فەیسبووک نووسیویەتی "هەولێر خۆی بۆ ترسنۆکان ناچەمێنێت ئەو هێرشە تیرۆریستییەی کرایە سەر چەند شوێنێکی هەولێر بە تووندی شەرمەزار دەکەم و داوا لە خەڵکی قارەمان و خۆڕاگری هەولێر دەکەم ئارام بگرن و رێنوێنیی دەزگا ئەمنییەکان جێبەجێ بکەن".

درەنگانی ئەمشەو 13ی ئاداری 2022 بە چەند مووشەکێک هێرشکرایە سەر کونسوڵخانەی نوێی ئەمەریکا لە هەولێر و بەوهۆیەوە چەند شوێنێکی نیشتەجێبوون و باڵەخانە زیانیان بەرکەوت و زیانی مادی لێکەوتەوە.

س،ر