مەودا میدیا-

وەزیری دەرەوەی ئەمریكا رایگەیاند وڵاتەكەی ئامادەیە بۆ گفتوگۆ لەگەڵ ئێران و دەشڵێت دەبێت ئێران هەڵسوكەوتەكانی خۆی بگۆڕێت.

مایك پۆمپیۆ، وەزیری دەرەوەی ئەمریكا بە میدیاكانی وڵاتەكەی راگەیاند "دۆناڵد ترەمپ سەرۆكی ویلایەتە یەكگرتووەكانی ئەمریكا هیچ نیازێكی نییە سزاكانی سەر ئێران سوك بكات و بەردەوامە لەسەر بڕیارەكانی خۆی".

ئەوەشی خستەڕوو "واشنتۆن ئامادەیە گفتوگۆ لەگەڵ تاران بكات بەو مەرجەی ئێران واز لەو كارانەی خۆی بهێنێت و هەڵسوكەوتەكانی بگۆڕێت".

باسی لەوەشكردووە "ئەمریكا تەنیا لە رووی ئابووریەوە سزای ئێرانی نەداوە بەڵكو لەرووی دیبلۆماسیەوە پەراوێزی خستووە".