مەودا میدیا- 

پزیشكی پیشەیەكی پیرۆزە، هەروەها ژمارەیەكی زۆر پزیشك هەن، بەڵام هەموویان وەكو یەك سەركەوتوونین و ناكرێت نەخۆشەكەت بخەیتە بەردەستی.

ئەمە هەشت سیفەتە ئەگەر لە هەر پزیشكێكدا هەبێت مانای وایە سەركەوتووە و شایانی ئەوەیە نەخۆشەكەت ببەیتە لای:

یەكەم: متمانە بەخۆبوون
كاتێك پزیشك متمانەی بەخۆی هەبوو، ئەوا متمانە لای نەخۆشەكەیش دروست دەبێت بەرانبەر چارەسەرییەكانی.

دووەم: مرۆڤایەتی
پزیشكی سەركەوتوو سۆز و رێنمایی باش پێشكەش بە نەخۆشەكەی دەكات، چونكە پیشەی پزیشكیی سیمایەكی دیاری بەخشندەییە.

سێیەم: كەسێتی
پزیشكی سەركەوتوو گرنگی بە نەخۆشەكەی دەدات و لەگەڵی تێكەڵدەبێت و وەكو كەسێكی تایبەت رێزی دەگرێت.

چوارەم: رێزگرتن
پزیشكی سەركەوتوو تێبینی و داواكارییەكانی نەخۆشەكەی بە هەند وەردەگرێت و هەوڵی جێبەجێكردنیان دەدات.

پێنجەم: وردئاگایی
پزیشكی باش و سەركەوتوو وردە لە ئەنجامدانی كارەكەیدا و ویژدانی زیندووە.

شەشەم: گوێگرتن
پزیشكی شارەزا و لێهاتوو گوێ لە پرسیارەكانی نەخۆش دەگرێت و خۆیشی پرسیاری وردی لێدەكات، بۆ ئەوەی بگاتە دیاریكردنی چارەسەریی باش.

حەوتەم: ئامۆژگاری
ئامۆژگاریی ورد و باش و سوودبەخش پێشكەش بە نەخۆشەكەی دەكات، هەروەها رێگە بە كەسانی دیكە دەدات بەشداربن لە وەرگرتنی بڕیارەكان و هاوكاری هەر كەسێك دەكات كەوا پێویستی پێی بێت.

هەشتەم: زانیاری لە كەسانی دیكە وەردەگرێت
پزیشكی سەركەوتوو ئامادەی تێدایە زانیاری لە كەسانی دیكە وەربگرێت بێ لەبەرچاوگرتنی، تەمەن و پێگە و رۆڵی بەو 
مەرجەی سوودی بۆ كارەكەی هەبێت.

س.ر