مەودا میدیا-

ئه‌میندارى گشتیى یه‌كێتیى جیهانى زانایانى موسوڵمان لە پەیامێکدا سه‌ركۆنه‌ى هێرشه‌ مووشه‌كییه‌كه‌ى سه‌ر هه‌ولێرى كرد و رایدەگەیەنێت هێرشه‌كه‌ى هه‌ولێر تاوانێكه‌ ده‌رهه‌ق به‌ سه‌روه‌رى عیراق.

عه‌لى قه‌ره‌داغى، ئه‌میندارى گشتیى یه‌كێتیى جیهانى زانایانى موسوڵمان لە لاپەڕەی تایبەتی خۆی لە تۆڕی کۆمەڵایەتیی تویتەر نووسیوتی "هێرشه‌كه‌ى هه‌ولێر تاوانێكه‌ ده‌رهه‌ق به‌ سه‌روه‌رى عیراق و سوكایه‌تیكردنه‌ به‌ هه‌رێمى كوردستان و زیان گه‌یاندنێكى گه‌وره‌شه‌ به‌ سه‌قامگیرییان".

ئەوەشی نووسیوە "هێرشه‌كه‌ى سه‌ر هه‌ولێر هه‌وڵێكه‌ بۆ هێشتنه‌وه‌ى بارى پشێوى روخێنه‌ر تا چاوچنۆكانى نێوده‌وڵه‌تى و هه‌رێمایه‌تى زاڵبوون و نه‌هێشتنى هێز بۆ وڵاتان به‌رده‌وامى هه‌بێت".

ئه‌میندارى گشتیى یه‌كێتیى جیهانى زانایانى موسوڵمان ئاماژەی بەوەکردووە "خودا عێراق و هه‌رێمى كوردستان و وڵاتانى موسوڵمانان بپارێزێت".

شەوی 13ی ئاداری 2022 بە چەند مووشەکێک هێرشکرایە سەر کونسوڵخانەی نوێی ئەمەریکا لە هەولێر و بەوهۆیەوە چەند شوێنێکی نیشتەجێبوون و باڵەخانە زیانیان بەرکەوت و زیانی مادی لێکەوتەوە و چەند کەسێکیش بە سووکی برینداربوون، هەروەها لە پەیامێکدا سوپای پاسدارانی ئێران هێرشەکەی گرتە ئەستۆ.

س،ر