مەودا میدیا-

به‌‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ سێشەممە 15ی ئادار و سبەینێ چوارشەممە 16ی ئاداری 2022ی شارەکانی هەرێمی كوردستانی بڵاوكرده‌وه‌.

بەپێی پێشبینییەکانی کەشناسیی هەرێمی کوردستان بێت، بۆ ئەمڕۆ سێشەممە بە گەشتی ئاسمانی هەرێمی کوردستان ساماڵ و پەڵە هەوردەبێت و پلەکانی گەرماش لە بەشێک لە ناوچەکان زیاتر دادەبەزێت و ئەگەری هەیە لە بەشێک لە ناوچە شاخاوییەکان لە کاتەکانی شەو بەفر ببارێت.

هەر بەپێی پێشبینییەکان، سبەینێ چوارشەممە لە شارەکانی هەرێمی کوردستان ئاسمان ساماڵ و کەشوهەوا سارد دەبێت و لە ناوچە شاخاوییەکان و سنوورییەکان ئەگەری بەفربارین هەیە.

س.ر