مەودا میدیا-

کەشناسیی هەرێم رایگەیاند، ئەمشەو ئاسمانی هەرێمی کوردستان لە زۆربەی ناوچەکان ساماڵ دەبێت، پلەکانی گەرماش لە هەندێک ناوچە بۆ ژێر سفر پلەی سیلیزی دادەبەزێت.

لە راگەیەندراوێکدا بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ئاماژەی بەوەکرد "ئەمشەو ئاسمانی هەرێم لە زۆربەی ناوچەکان ساماڵ دەبێت، لەگەڵ نزمبوونەوەی زیاتری پلەکانی گەرما بەگشتی".

باسی لەوەشکردووە "پلەکانی گەرما لە ناوچە شاخاوییەکان و هەردوو شاری سلێمانی و دهۆک بۆ ژێر سفر پلەی سیلیزی نزمدەبێتەوە".

هەر ئەمڕۆش کەشناسیی هەرێم سەبارەت بە رەوشی کەشوهەوای سبەینێ پێنجشەممە رایگەیاند، ئاسمان ساماڵ و پەڵەهەور دەبێت، لە کاتەکانی شەویشدا دەگۆڕێت بۆ نیمچە هەور.

ر. ئ.