مەودا میدیا-

سەرچاوەیەک لە وەزارەتی دارایی رایگەیاند، پێش نەورۆز مووچەی سەرجەم ئەو وەزارەت و فەرمانگانە دابەشدەکرێت، کە تائێستا مووچەی مانگی شوباتیان وەرنەگرتووە.

 

ئەمڕۆ پێنجشەممە 17ی ئاداری 2022 سەرچاوەیەک لە وەزارەتی دارایی و ئابووریی حکومەتی هەرێمی کوردستان بە مەودا میدیای رایگەیاند، پێش نەورۆز مووچەی سەرجەم ئەو وەزارەت و فەرمانگانە دابەشدەکەن کە مووچەی مانگی شوباتیان وەرنەگرتووە و پارەی تەواویش بۆ مووچە لەبەردەستە.

 

بەوتەی ئەوە سەرچاوەیە سبەینێ هەینیش دابەشکردنی مووچە بەردەوامدەبێت و مووچەی بەشێک لەو شوێنانە دابەشدەکرێت کە مووچەیان وەرنەگرتووە. 

ئەوە لەکاتێکدایە لە 14ی مانگەوە دابەشکردنی مووچەی مانگی شوباتی فەرمانبەران دەستیپێکردووە، بەڵام تائیستا تەنها چەند وەزارەت و فەرمانگەیەک مووچەیان وەرگرتووە.

ر. ئ.