مەودا میدیا- 

بەڕێوەبەرایەتیی پۆلیسی پارێزگای دهۆک رایدەگەیەنێت تەواوی هێزە ئەمنییەکان خراونەتە حاڵەتی ئامادەباشییەوە بۆ پاراستنی گیانی هاوڵاتییان لە رۆژانی جەژنی نەورۆزدا.

هێمن سلێمان، وتەبێژی پۆلیسی دهۆک رایگەیاند "بۆئەوەی جەژنێكی ئارام بەڕێبكەین تەواوی هێزە ئەمنییەكان خراونەتە حاڵەی ئامادەباشییەوە بۆ پاراستنی سەر و ماڵی هاوڵاتییان".

ئەوەشی راگەیاندووە "پێویستە هاوڵاتییان خۆیان بەدوور بگرن لە بەكارهێنانی چەك و تەقەكردن بەهەر هۆكارێك بێت، بۆ ئەوەی ئارامی تێكنەچێت و هێزەكانیشیان ڕاسپێردراون بۆ دەستگیركردنی ئەوانەی تەقە دەكەن و تا ڕادەستی دادگا بكرێن".

س،ر