مەودا میدیا-

 کەشناسیی هەرێم پێشبینییەکانی بۆ کەشوهەوای سبەینێی شارەکانی هەرێم بڵاوکردەوە و ئاشکرایکرد، لە کاتەکانی ئێوارەوە نمەباران دەبارێت.

ئەمڕۆ یەکشەممە 20 ئادار، بەڕێوەبەرایەتیی کەشناسی و بومەلەرزەزانی هەرێمی کوردستان رایگەیاند، سبەینێ دووشەممە پێشبینى دەکرێت ئاسمانى هەرێم بە زۆری هەورى تەواو بێت پاشان لە ئێوارەوە نمەباران دەستپێدەکات لە ناوچەکانى ناوەڕاست و باکوور و باکوورى رۆژهەڵاتی هەرێم و کاریگەریەکەى تا درەنگانى شەو لە ناوچە شاخاوییەکان دەمێنێتەوە.

ئاماژەی بەوەشکرد، لە ناوچەکانى دیکە ئەگەری دڵۆپە باران هەیە لە گەڵ بارینى کەمێک بەفر لە ناوچە شاخاوییەکانى دهۆک و هەولێر.

ئەوە لەکاتێکدایە بە بۆنەی نەورۆزەوە، زۆرینەی هاوڵاتییانی هەرێمی کوردستان خۆیان بۆ گەشت و سەیران ئامادەکردووە، لە زۆرینەی شوێنە گەشتیارییەکان لەئێستاوە کابینە و کەپرە گەشتیارییەکان گیراون، بەمەبەستی بەسەربردنی کاتێکی خۆش.

ر. ئ.