مەودا میدیا-

بەڕێوەبەرایەتیی هاتوچۆی سلێمانی کۆی گشتیی رووداوەکانی ھاتوچۆ لە رۆژانی نەورۆز لە سنووری پارێزگای سلێمانی بڵاوکردەوە.

بەپێی راگەیەندراوی هاتوچۆی سلێمانی "رۆژی 20ی ئاداری 2022 چوار رووداوی هاتوچۆ روویداوە، دووانیان لە جۆری پێکدادان بووە و یەکێکیان وەرگەڕان بووە، هەروەها یەک رووداویش بەھۆی نەمانی کۆنترۆڵ بوو، لەئەنجامی کەشف و ھێلکاری ھۆکارەکانی بۆ پابەندنەبوون بەخێراییە یاساییەکان و و بێ ئاگایی شۆفێر لەکاتی شۆفێریدا دەگەڕێتەوە".

ئەوەش هاتووە "رۆژی 22ی ئاداری 2022 سێ رووداوی هاتوچۆ روویداوە لە جۆری پێکدادان، یەکێک لەو رووداوانە لە قەزای دوکان بووە و شەش برینداری لێکەوتووەتەوە، دۆخی برینداران جێگیرە و حاڵەتی گیانلەدەستدان نەبووە".

س،ر