مەودا میدیا- سازگار ئەحمەد

دوای ئەوەی لە چەند رۆژی رابردوودا دوو کەس بەهۆی ئەوەی دەستگیرنەکرێن لەلایەن ئاسایشەوە بە تۆمەتی هەڵدانەوەی گۆڕێکی مێژووی خۆیان هەڵدایە روباری سیروانەوە پێنج رۆژ پێش ئێستا تەرمی یەکێکیان دۆزرایەوە، کەمێک پێش ئێستاش تەرمی ئەوی دیکەیان دۆزرایەوە.

کەیوان ئەحمەد، بەڕێوەبەری بەرگریی شارستانیی دەربەندیخان بە مەودا میدیای راگەیاند "پاشنیوەڕۆی ئەمڕۆ چوارشەممە 23ی ئاداری 2022 لە گوندی بانیخێڵانی قەزای دەربەندیخان تەرمی ئەو گەنجەی دیکە دۆزرایەوە کە چەند رۆژی رابردوو لە گوندی ژاڵەناوی نزیك دەربەندیخان ئاسایش هەوڵی دەستگیرکردنی دابوون بە تۆمەتی هەڵدانەوەی گۆڕێکی مێژووی لەگەڵ هاوڕێکەی خۆیان هەڵدابووە روباری سیراونەوە بۆئەوەی دەستگیرنەکرێن".

 بەڕێوەبەری بەرگریی شارستانیی دەربەندیخان ئاماژەی بەوەکرد "ئەو گەنجە ناوی (ئوسامە جەلالە) و تەمەنی لەنێوان 20 بۆ 25 ساڵی دایە".

ئەمەش لەکاتێکدایە، پێنج رۆژ پێش ئێستا تەرمی یەکێکیان دۆزاریەوە، ئەمڕۆش توانرا تەرمی ئەوەی دیکەیان بدۆزرێتەوە.

س،ر