مەودا میدیا-

 پەروەردەی گەرمیان رایگەیاند، سبەینێ رۆژی شەممە رێکەوتی 26ی ئاداری 2022 لە سەرجەم ناوەندەکانی خوێندن دەوامی ئاسایی دەستپێدەکاتەوە.

لە راگەیەندراوێکدا بەڕیوەبەرایەتیی گشتیی پەروەردەی گەرمیان ئەمڕۆ هەینی ئاماژەی بەوەکرد "وێرای پیرۆزبایی گەرممان لەسەرجەم مامۆستایان، فەرمانبەران، سەرپەرشتیاران، خوێندکاران و قوتابیانی خۆشەویست، هیواخوازین رۆژانی پشووی ‌نەورۆز و بەهارتان بە شادی و تەندروستییەوە بەسەربردبێت".

باسی لەوەشکردووە "ئاگادارتان دەکەینەوە کە رۆژی شەممە رێکەوتی 26ی ئاداری 2022 لە سەرجەم ناوەندەکانی خوێندن دەوامی ئاسایی دەستپێدەکاتەوە".

ئەوە لە کاتێکدایە بەبۆنەی پشووەکانی جەژنی نەورۆزەوە ماوەی زیاتر لە هەفتەیەکە پشووی فەرمییە لەسەرجەم دامودەزگاکانی حکومەتی هەرێمی کوردستان.

ر. ئ.