مەودا میدیا-

بەگوێرەی پێشبینییەکانی کەشوهەوای هەرێمی کوردستان ئەمڕۆ و سەبەینێ باران بارین بەردەوامدەبێت،  لەناوچە شاخاوییەکان ئەگەری بارینی بەفرێکی کەم هەیە.

بەڕێوەبەرایەتیی گشتیی کەشناسی و بومەلەرزەزانی هەرێمی کوردستان رەوشی کەشوهەوای ئەمڕۆ و سبەینێی بڵاوکردەوە و ئاماژەی بەوەکردووە، ئەمڕۆ شەممە ئاسمان لەنێوان نیمچەهەور و هەوری تەواودا دەبێت لەگەڵ بارینی باران لەناوچە جیاوازەکان، هەروەها لە ناوچە شاخاوییە سنوورییەکان ئەگەری بارینی بەفرێکی کەم هەیە.

ئەوەشی خستووەتەڕوو، سبەینێ یەکشەممە ئاسمان نیمچەهەور و هەوری تەواو بێت لەگەڵ بارینی نمەباران لەناوچە جیاوازەکان.

ئەوە لەکاتێکدایە چەند رۆژێکە شەپۆلێکی باران و بەفر ناوچەکەی گرتووەتەوە و کەشناسیش هۆشداریدا لە ئەگەری روودانی لافاو و هەورەبروسکە لە ناوچە دەشتاییەکاندا و داوای لە شوانکارەکان کرد، ئاگاداربن.

ر. ئ.