مەودا میدیا-

بەڕێوەبەرایەتیی پۆلیسی دهۆک لەسەر کوشتنی کەسێک لە سنووری پارێزگاکەیان وەزیری پێشووتری کۆچ و کۆچبەرانی عیراق خۆی رادەستی هێزەکانیان کردووە. 

ئەمڕۆ یەکشەممە 27ی ئاداری 2022 بەڕێوەبەرایەتیی پۆلیسی پارێزگای دهۆک راگەیاند "رۆژی 18ی ئاداری 2022 رووداوێکی کوشتن لە گوندی پیرەفاتی نزیک شاری دھۆک روویدا رۆژی شەممە 26ی ئاداری 2022 دوو کەس خۆیان رادەستی پۆلیس کردووە، لەسەر دۆسیەی کوشتنی (کامیران یونس پیرەفاتی) کە یەکێکیان دیندار دۆسکی، وەزیری پێشووتری کۆچ و کۆچبەرانی عیراقە".

 

پێشتر بەڕێوەبەرایەتیی پۆلیسی پارێزگای دهۆک ئاماژەی بەوەدابوو رووداوەکە بەهۆی کێشەی زەوی و زارەوە روویداوە و لەئەنجامدا کەسێک کوژراوە.

س،ر