مەودا میدیا-

وەزارەتی بازرگانیی عیراق بڕیاریداوە بڕی 50 هەزار دینار بۆ هەر تۆنێک گەنم خەرج بکات، ئەویش بەرانبەر جیاوازی نرخی گەنمی ساڵی پێشوو، كە جوتیاران لە پێشوودا گەنمەكانیان رادەستی سایلۆكان بۆ ساڵی 2021 كردووە.

ئەمڕۆ یەکشەممە لە راگەیەندراوێکدا نەوزاد شێخ كامل، بەڕێوەبەری گشتیی بازرگانی لە وەزارەتی بازرگانیی هەرێمی کوردستان ئاماژەی بەوەکرد "وەزارەتی بازرگانیی عیراق ئاگاداری بەرێوەبەرایەتیی گشتیی بازرگانی كردووەتەوە، بڕی 50 هەزار دینار بۆ هەر تۆنێک گەنم تەرخان كراوە".

روونیشیکردووەتەوە "ئەو بڕە پارەیە جیاوازی نرخی گەنمی ساڵی پێشووە كە جوتیاران لە پێشوودا گەنمەكانیان رادەستی سایلۆكان بۆ ساڵی 2021 كردووە".

باسی لەوەشکردووە "دوای جێبەجێكردنی رێكارى ئیداری و تەواوكردنی مامەڵەكان، پرۆسەی دابەشكردنی ئەو بڕە پارەیە بەم نزیكانە بەسەر جوتیاراندا جێبەجێدەکرێت".

ر. ئ.