زیانلێکەوتووانى لافاوەکەى هەولێر قەرەبووەکانیان پێدەدرێت

کوردستانی

زیانلێکەوتووانى لافاوەکەى هەولێر قەرەبووەکانیان پێدەدرێت

مەودا میدیا - سلێمانی | 2022/03/27

مەودا میدیا-

پارێزگارى هەولێر رایگەیاند، بڕى حەوت ملیار و 500 ملیۆن دینار بەسەر زیانلێکەوتووانى لافاوەکەى هەولێردا دابەشدەکرێت.

ئەمڕۆ یەکشەممە ئومێد خۆشناو، پارێزگاری هەولێر لە کۆنگرەیەکی رۆژنامەوانیدا رایگەیاند "ئەو بڕە پارەیە لەلایەن حکومەتى هەرێم و خێرخوازانەوە دابینکراوە و بەسەر زیانلێکەوتووانى لافاوەکەى هەولێردا دابەشدەکرێت".

باسی لەوەشکرد "هەروەها لیژنەى لێکۆڵینەوە لە هۆکارى لافاوەکە لە چەند رۆژى داهاتوودا ئەنجامى لێکۆڵینەوەکەى رادەگەیەنێت و بۆ راى گشتى بڵاودەکرێتەوە".

پارێزگارى هەولێر ئەوەشی خستەڕوو، بڕیارەکانى لیژنەکە تایبەت دەبن بە سزادانى ئەو پرۆژانەى بوونە هۆکارى ئەوەى زیانى لافاوەکە زیاتر بێت، لەگەڵ ئەو شوێنانەى زیادەڕۆییان کردووە.

ر. ئ.