مەودا میدیا- سازگار ئەحمەد

وتەبێژی وەزارەتی کارەبای حکومەتی هەرێمی کوردستان رایدەگەیەنێت بەرنامەیەکی تایبەت بە پێدانی کارەبا لە مانگی رەمەزاندا دانەنراوە، ئاماژەی بەوەکرد بەپێی خواستی هاوڵاتییان بۆ کارەبا کاتەکانی کارەبا رێکدەخەین.

ئومێد ئەحمەد، وتەبێژی وەزارەتی کارەبای حکومەتی هەرێمی کوردستان لەبارەی کاتی پێدانی کارەبا لە مانگی رەمەزاندا بە مەودا میدیای راگەیاند "بەرنامەیەکی تایبەت بە پێدانی کارەبا لە مانگی رەمەزاندا دانەنراوە، چونکە بەرنامەی تایبەت بەرهەمی تایبەت دەوێت، بەڵام بەپێی ئەو توانایەی هەمانە باشترین بەرنامەی کارەبا جێبەجێدەکەین لە رۆژانی رەمەزاندا".

ئاماژەی بەوەکرد "بەپێی خواستی هاوڵاتییان بۆ کارەبا کاتەکانی کارەبا رێکدەخەین، کاتی کارەباش لە رەمەزاندا هەروەک رۆژانی دیکەیە و هیچ گۆڕانکاری تیادا نەکراوە".

س،ر