مەودا میدیا-

 بۆ جاری دووەم لە ئەمساڵدا وەزارەتی پەروەردەی حکومەتی هەرێمی كوردستان ساڵنامەی خوێندنی هەمواركردەوە.

بەگوێرەی نووسراوێكی بەڕێوەبەرایەتیی گشتیی ئەزموونەكان کە تێیدا هاتووە، لە بەرژەوەندیی خوێندكاران بڕیاردراوە بە هەمواركردنەوەی ساڵنامەی تاقیكردنەوەكان بۆ قۆناغەكانی بنەڕەتی، ئامادەیی  و پەیمانگەكان بۆ كۆتاجار پەیڕەودەكرێت.

ئەوەشخراوەتەڕوو، تاقیكردنەوە نیشتمانییەكانی قۆناغی 9ی بنەڕەتی (ئەكادیمی و خوێندنی ئیسلامی) هاوشێوەی ساڵانی رابردوو بەرێوەدەچن.

باسی لەوەشکردووە، ئەگەر رۆژێكی تاقیكردنەوەكان بەر پشووی فەرمی كەوت جگە لە رۆژانی جەژن تاقیكردنەوە ئەو رۆژە (دواناخرێت) خشتەی تاقیكردنەوەكان وەك خۆی بەردەوامدەبێت.

 ر. ئ.