مەودا میدیا-

بەڕێوبەرایەتیی پۆلیسی ئیدارەی راپەڕین دەستگیرکردنی تۆمەتبارێکی راگەیاند بە تۆمەتی دزینی ئۆتۆمبێل کە لە شاری سلێمانی دزیبووی و ویستبووی لە ناحیەی چوارقوڕنە بیفرۆشێتەوە.

لە راگەیەندراوەکەی پۆلیسی راپەڕین هاتووە "دوای پێدانی زانیاری كه‌ له‌ پێشانگەكانی ئۆتۆمبێل له‌ ناحیه‌ی چوارقوڕنه‌ سه‌ر به‌ قه‌زای رانیه‌ ئۆتۆمبێلێكی جۆری نیسان تیدا ره‌نگی سپی كڕین و فرۆشتنی پێوه‌ ده‌كرێت كه‌ گومانی دزی لێده‌كرێت بۆ ئه‌م مه‌به‌سته‌ بڕیاری دادوه‌ر به‌ ده‌ستهات مه‌فره‌زه‌كانمان له‌ به‌شی پۆلیسی نه‌هێشتنی تاوانی راپه‌ڕین (مكافحه‌) گه‌یشتنه‌ شوێنی مه‌به‌ست توانیان ده‌ستبگرن به‌سه‌ر ئۆتۆمبێله‌كه‌دا و شۆفێره‌كه‌شی به‌ناوی (ع. ا. ك) له‌ ره‌گه‌زی نێر ده‌ستگیربكه‌ن".

ئاماژە بەوەکراوە "له‌ ئه‌نجامی لێكۆڵینه‌وه‌دا ده‌ركه‌وت كه‌  ئۆتۆمبێله‌كه‌ له‌پارێزگای سلێمانی دزراوه‌، بۆ ئه‌و مه‌به‌سته‌ش  دادوه‌ر بڕیاریدا به‌ڕاگرتنی تۆمه‌تباره‌كه‌ به‌پێی ماده‌ی 446 له‌ به‌ر تایبه‌تمه‌ندی شوێنی رووداوه‌كه‌ش، دادوه‌ر بڕیاریدا گواستنەوەی په‌ڕاوه‌كه‌ بۆ به‌شی پۆلیسی نه‌هێشتنی تاوانی سلێمانی بۆ ته‌واوكردنی لێكۆڵینه‌وه‌كه‌".

س،ر