مەودا میدیا-

وەزارەتی کشتوکاڵ و سەرچاوەکانی ئاوی حکومەتی هەرێمی کورستان یاسایەکی لە بەرژەوەندیی دەرچووانی کشتوکاڵ و ڤێتێرنەری پەسندکرد.

بە مەبەستی رەخساندنی هەلی کار بۆ دەرچووانی کۆلیژەکانی کشتوکاڵ و ڤێتێرنەری وەزارەتی کشتوکاڵ و سەرچاوەکانی ئاوی حکومەتی هەرێمی کوردستان یاسای ژمارە 20ی ساڵی 2021 ی تایبەت بە یاسایی سەرپەرشتیارانی پرۆژەکانی کشتوکاڵی لە هەرێمی کوردستان پەسندکرد.

بێگەرد تاڵەبانی، وەزیری کشتوکاڵ و سەرچاوەکانی ئاوی حکومەتی هەرێمی کوردستان رایگەیاند "یاساکە رەخساندنی کارە بۆ دەرچووانی کۆلێژ و پەیمانگەکانی کشتوکاڵی و فێتێرنەری کە دانەمەزراون، بەشێوازی کردنەوەی خولی راهێنان و شیاندنی توانای کارمەندان لە رووی هونەری و پیشەیی و ڕێکخستنی زیاتری کەرتی کشتوکاڵ و پرۆسەی سەرپەرشتیکردنی پرۆژە کشتوکاڵییەکان لەسەر ئاستی هەرێمی کوردستان".

س،ر