مەودا میدیا-

به‌‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ چوارشەممە 6ی نیسان و سبەینێ پێنجشەممە 7ی نیسانی 2022ی شارەکانی هەرێمی كوردستانی بڵاوكرده‌وه‌.

بەپێی پێشبینییەکانی کەشناسیی هەرێمی کوردستان بێت، بۆ ئەمڕۆ چوارشەممە ئاسمانی شارەکانی کوردستان نیمچە هەور دەبێت  و خێرای با لە شارەکانی هەرێم زیاد دەکات و پلەکانی گەرماش لەنێوان 29 بۆ 33 پلە دەبێت.

هەر بەپێی پێشبینییەکان، سبەینێ پێنجشەممە ئاسمانی ناوچەکانی هەرێمی کوردستان نیمچە هەور دەبێت و خێرای با زیاد دەکات و لەگەڵ بەرزبوونەوەی تۆز و خۆڵ، هەروەها ئەگەری بارینی نمە باران هەیە لە ناوچە شاخاوییەکان و پلەکانی گەرماش 1 بۆ 2 پلە دادەبەزێت.

س،ر