مەودا میدیا- رێبین ئەشرەف

به‌ڕێوه‌به‌ری فڕۆكه‌خانه‌ی نێوده‌وڵه‌تیی هه‌ولێر رایگه‌یاند، به‌هۆی خۆڵبارینه‌وه‌ مه‌ودای بینین كه‌مبووه‌ته‌وه‌ و به‌وهۆیه‌وه‌ گه‌شته‌كان بۆ ماوه‌یه‌كی كاتی راده‌گیرێت.

ئەمڕۆ پێنجشەممە ئه‌حمه‌د هۆشیار، به‌ڕێوه‌به‌ری فڕۆكه‌خانه‌ی نێوده‌وڵه‌تیی هه‌ولێر به‌ مەودا میدیای راگه‌یاند "به‌هۆی خۆڵبارین و كه‌مبوونه‌وه‌ی مه‌ودای بینینه‌وه‌ له‌ كاتژمێر 2:00ی پاشنیوه‌ڕۆی ئه‌مڕوه‌ گه‌شته‌كان له‌ فڕۆكه‌خانه‌ی هه‌ولێر راگیراون".

سەبارەت بە کاتی دەستپێکردنەوەی گەشتەکانیش ئاماژه‌ی به‌وه‌شكرد "بەردەوام چاودێری كه‌مبوونه‌وه‌ی خۆڵبارین ده‌كه‌ین و ئه‌گه‌ر مه‌ودای بینین ئاسایی ببێته‌وه‌ و شه‌پۆله‌كه‌ كێشه‌ بۆ فڕینی فڕۆكه‌ دروستنه‌كات ئه‌وا گه‌شته‌كان ده‌ستپێده‌كه‌نه‌وه‌، به‌ڵام تا ئێستا هیچ گه‌شتێك به‌ فه‌رمی رانه‌گیراوه‌".

ئەوە لەکاتێکدایە شەپۆلێکی خۆڵبارینی چڕ ناوەچەکانی خواروی عیراقی گرتووەتەوە، کەشناسیی هەرێم دەڵێت "شەپۆلەکە هەرێمیش دەگرێتەوە".

ر. ئ.