مەودا میدیا-

هاتوچۆی كۆیه‌ رایگه‌یاند، ئێواره‌ی ئه‌مڕۆ چوارشه‌ممه‌ له‌ئه‌نجامی وه‌رگه‌ڕانی ئۆتۆمبێلێك له‌سه‌ر رێگەی نێوان كۆیه‌-دوكان شۆفێرێك كۆتایی به‌ژیانی هات و دوو كه‌سی دیكه‌ش برینداربوون كه‌ هه‌ردووكیان منداڵی شۆفێره‌كه‌ بوون.

له‌ راگه‌یه‌ندراوێكدا به‌ڕێوه‌به‌رایه‌تیی هاتوچۆی كۆیه‌ بڵاویكرده‌وه‌، ئه‌مڕۆ له‌ رێگه‌ی نێوان كۆیه‌ -دوكان نزیك گوندی ھه‌واوان ئۆتۆمبێلی جۆری ( كیا سۆرینتۆ ) كۆنتڕۆڵی له‌ده‌ستدا و وه‌رگه‌ڕا.

ئاماژەی بەوەشکردووە، بەهۆی رووداوەکەوە شۆفێره‌كه‌ کە ناوی (م. ع) گیانی لەدەستداوە و دوو سه‌رنشینیش برینداربوون كه‌ هه‌ردووكیان منداڵی شۆفێره‌كه‌ بوون.

ساڵانه‌ له‌ هه‌رێمی كوردستان به‌هۆی رووداوه‌كانی هاتوچۆوه‌، سه‌دان كه‌س ده‌بنه‌ قوربانی، به‌وته‌ی پسپۆڕانی بواره‌كه‌ش، هۆكاری زۆربه‌ی رووداوه‌كان بۆ خێرایی و خراپی شه‌قام و رێگه‌وبانه‌كان ده‌گه‌ڕێته‌وه‌.

ر. ئ.