مەودا میدیا-

کەشناسیی عیراق پێشبینى شه‌پۆلێكى باران بارین له‌ عیراق و هه‌رێمى کوردستان رادەگەیەنێت و به‌پێى پێشبینییه‌كان شه‌پۆله‌كه‌ درێژخایه‌نه‌ و وڵاتانى ناوچه‌كه‌ ده‌گرێته‌وه‌.

لە راگەیەندراوێکدا دەستەی كه‌شناسیی عیراق ئاماژەی بەوەکرد، به‌پێى پێشبینییه‌كان له‌ دواى 20 ئه‌م مانگه‌وه‌ شه‌پۆلێكى باران بارینى ناوبه‌ناو عیراق و هه‌رێمى كوردستان و وڵاتانى ناوچه‌كه‌ ده‌گرێته‌وه‌.

باس لەوەشکراوە، شه‌پۆله‌كه‌ كاریگه‌رى له‌سه‌ر بارى كه‌ش و هه‌واى ته‌واوى ناوچه‌كه‌ ده‌بێت و سه‌رچاوه‌كه‌ى له‌ ده‌ریاى سوره‌وه‌ ده‌بێت.

ئەوە لەکاتێکدایە، ئەمساڵ لە چەند ناوچەیەکى هەرێمى کوردستان، بڕى بارانى پێویست نەباریوە و لە سنوورى ئیدارەى گەرمیانیش بۆ دووەم ساڵ لەسەریەک وشکەساڵى راگەیەندرا.

ر. ئ.