مەودا میدیا-

بەگوێرەی میدیا عیراقییەکان تیرۆرستانی داعش لە سنووری گوندی (بەستاملی)ی خورماتو بە چەکی قەناس و ھاوەن پەلاماری سوپای عیراقیاندا و سەربازێک بریندار بوو.

ئەمشەو گروپی تیرۆریستی داعش هێرشیانکردە سەر فەوجی چواری سەر بە لیوای 52ـی فیرقەی 8ی سوپای عیراق لە گوندی بەستاملی سەر بە قەزای خورماتو لە پارێزگای سەڵاحەدین، بەگوێرەی زانیارییە سەرەتاییەکانیش لە هێرشەکەدا سەربازێکی سوپای عیراق برینداربووە.

گوندی بوستاملی دە کە وێتە باشووری قەزای خورماتو، گوندیکی تورکمان نشینی سونە مەزھەبە.

بەپێی زانیارییەکانی مەودا میدیا لەدوای رزگارکردنی گوندی (بەستاملی) لە دەستی داعش لە ساڵی 2014، تاوەکوئێستا دانیشتوانەکەی نەگەڕاونەتەوە، تەنیا ھێزی ئەمنی لە سنووری گوندەکە جێگیرکراوە.

ر. ئ.