مەودا میدیا-

حەج و عومرەی هەرێم ریدەگەیەنێت، لەئێستاوە رێگە بە ھەرکەسێک دەدرێت بەپێی مەرجەکان کۆمپانیای حەج و عومرە دابمەزرێنێت و ئەوانەی خوازیاری ئەو کارەن دەتوانن داواکاری پێشکەش بە بەڕێوەبەرایەتیی حەج و عومرەی پارێزگاکەی خۆی بکات.

لە راگەیەندراوێکدا بەرێوەبەرایەتیی گشتیی حەج و عومرە کە سەر بە وەزارەتی ئەوقاف و کاروباری ئاینی ھەرێمی کوردستانە، رایگەیاند دەرگای پێدانی مۆڵەت بۆ کردنەوەی کۆمپانیاکانی حەج و عومرە کراوەتەوە و مۆڵەتەکە دەدرێت بەو کەسانەش کە پێشتر حەجیشیان نەکردووە.

باسی لەوەشکردووە "ئەو مەرج و ئەرک و رێنمایییانە ئەو کۆمپانیانەیش دەگرێتەوە کە لە ساڵانی رابردوودا دامەزراون و چەندین ساڵە لە بواری حەج و عومرەدا کاردەکەن، ئەوەش مەبەستی پابەندبوونیان بە مەرج و ئەرکەکان تاوەکو بە شێوەیەکی باشتر خزمەتی حاجیان و عومرەکاران بکەن".

لە بەشێکی راگەیەندراوەکەی بەرێوەبەرایەتیی گشتیی حەج و عومرەدا ھاتووە، ئاسانکارییەکی زۆریان کردووە بۆ ئەو کەسانەی دەیانەوێت بە تەنھا کۆمپانیای عومرە دابمەزرێنن.

ر. ئ.