کوردستانی
هەپەگە: هەشت سەربازی سوپای تورکیا کوژراون
مەودا میدیا - سلێمانی |
مەودا میدیا-
هێزەکانی پاراستنی گەل (هەپەگە) رایگەیاند، هێرشەکانی سوپای تورکیا لە هێڵی باکوورەوە نییە و بەڵکو لە باشوورەوە و لە هێڵی بامەڕنێ ئامێدییەوە فڕۆکەکان دەفڕن و لە شیلادزێوە هێرشدەکرێتە سەر هەرێمی زاپ.
هێزەکانی پاراستنی گەل (هەپەگە) رایگەیاند، هێرشەکانی سوپای تورکیا لە هێڵی باکوورەوە نییە و بەڵکو لە باشوورەوە و لە هێڵی بامەڕنێ ئامێدییەوە فڕۆکەکان دەفڕن و لە شیلادزێوە هێرشدەکرێتە سەر هەرێمی زاپ.
لە راگەیەندراوێکدا ئەمڕۆ دووشەممە هێزەکانی پاراستنی گەل باڵی سەربازی پەکەکە لەبارەی هێرشەکانی سوپای تورکیاوە ئاماژەی بەوەدەکات، تورکیا دەیەوێت لەڕێگەی هێلیکۆپتەرەوە سەربازەکانی لە زاپ جێگیر بکات و فڕۆکەش بە ئاسمانی ناوچەکاندا دەسوڕێتەوە و هێرشی چریان بۆ سەر ناوچەکان دەستپێکردووە.
باسی لەوەشکردووە، لە ئەنجامی رووبەڕووبوونەوەکانی شەوی رابردوودا، لە ناوچەی زاپ هەشت سەربازی سوپای تورکیایان کوشتووە.
بەگوێرەی راگەیەنراوەکەی هەپەگە، سوپای تورکیا شەوی رابردوو بە فڕۆکە و هێلیکۆپتەری جەنگی بە چڕیی ناوچەکەی بۆردوومان کردووە و هەوڵیداوە سەربازەکانی لە ئەشکەوتی برینداران لە ناوچەی زاپ داببەزێنێت، بەڵام هێزەکانیان رووبەڕوویان بوونەتەوە.
ر. ئ.