مەودا میدیا- رێبین ئەشرەف

ئەمڕۆ لە بازاڕەکانی هەرێمی کوردستان نرخی زێڕ ئاستێکی پێوانەیی تۆمارکرد و بە رادەیەکی بەرچاو بەرزبووەوە بە جۆرێک نرخی یەک مسقاڵ زێڕی عەیارە 21 گەیشتە 415 هەزار دیناری عیراقی.

دلێر تاهیر، سەرۆکی زێڕنگەرانی سلێمانی بە مەودا میدیای راگەیاند "بەرزبوونەوەی نرخی زێڕ پەیوەندی بە جەنگی نێوان رووسیا و ئۆکرانیاوە هەیە و هەتا ئەو جەنگە بەردەوامبێت نرخی زێڕ لە ئاستێکی بەرزدادەبێت، وتیشی، بۆ ئەمڕۆ نرخی یەک کیلۆ زێڕ زیاترە لە 63 هەزار دۆلاری ئەمەریکی".

سەرۆکی زێڕنگەران دەشڵیت "ئەگەر نرخی زێڕ لەم ئاستەدا رابووەستێت زۆر باشە، چونکە بەهۆی جەنگی رووسیا و ئۆکرانیا پێشبینیمان دەکرد نرخی زێڕ زۆر زیاتر لەوەی ئێستا هەیە بەرزتر ببێتەوە".

راشیگەیاند، بۆ ئەمڕۆ نرخی زێڕ لە بازاڕەکانی هەرێمی کوردستان بەمشێوەیەیە: 

-مسقاڵێك زێڕی عەیارە (24) بە 472000 دیناری عیراقییە.

-مسقاڵێك زێڕی عەیارە (21) بە 415000 دیناری عیراقیی.

-مسقاڵێك زێڕی عەیارە (18) بە 355000 دیناری عیراقییە.

ر. ئ.