مەودا میدیا-

پۆلیسی سلێمانی کەسێک بە تۆمەتی توندوتیژی و زیندانیکردنی ھاوسەری پێشووی دەستگیردەکات.

بەرێوەبەرایەتیی پۆلیسی پارێزگای سلێمانی رایگەیاند، دوای ئەوەی زانیاری گەیشتە ھێزەکانی پۆلیس کە واگومان دەکرێت لە یەکێک لە ھۆتێلەکانی شاری سلێمانی ژنێک زیندانیکراوە و رێگەی ھاتنە دەرەوەی لێگیراوە، مەفرەزەکانی پۆلیسی سلێمانی لێکۆڵینەوەکانی دەستپێکرد و توانرا لەلایەن بنکەی پۆلیسی بەختیارییەوە ژنەکە بدۆزرێتەوە کە لە ژوری ھۆتێلێکدا لەلایەن ھاوسەری پێشووتریەوە بەندکراوە و ئازار دراوە.

پۆلیسی سلێمانی ئاماژەی بەوەشکردووە، دواتر توانیویانە تۆمەتبارەکە دەستگی بکرێت.

ئەوەشی خستووەتەڕوو، لەئێستادا تۆمەتبار ع. م. ە. لەدایکبووی 1992 بەناسنامە عەرەب بەبڕیاری دادوەر راگیراوەو لێکۆڵینەوە لەگەڵیدا بەردەوامە .

ر. ئ.