مەودا میدیا-

دەستەی حەشدی شەعبی رایدەگەیەنێت هێرشێکیان پووچەڵكردەوە كە چەکدارانی داعش لە باشووری رۆژئاوای کەرکوک  كردبوویانە سەر هێزەكانیان.

ئەمڕۆ پێنجشەممە 21ی نیسانی 2022 لە راگەیەندراوێکدا کە ئاژانسی هەواڵی عیراقی بڵاویکردووەتەوە دەستەی حەشدی شەعبی رایگەیاند "هێزێکی فەوجی 3ی لیوای 56ی حەشدی شەعبی هێرشێكی  چەکدارانی داعشیان لە باشووری رۆژئاوای پارێزگای کەرکوک پووچەڵکردەوە"

ئاماژە بەوەکراوە "چەکدارانی داعش لە نزیک گوندی رەبیعەی سەر بە ناحیەی رەشاد، پێش ئەوەی لەلایەن هێزێکی فەوجەوە رووبەڕوویان ببنەوە، هەڵاتن و زیانیش بە یەک لە ئۆتۆمۆبیلی سەربازی  فەوجەکە کەوتووە".

س،ر