مەودا میدیا-

فەرماندەی گشتیی ھەسەدە رایدەگەیەنێت، ھێرشەکانی تورکیا ئاستەنگ بۆ ئۆپراسیۆنەکان لە دژی داعش دروست دەکەن.

لە تویتێکدا مەزڵوم کۆبانێ، فەرماندەی گشتیی ھێزەکانی سوریای دیموکرات (ھەسەدە) رایگەیاند، تورکیا پەیماننامە نێودەوڵەتییەکان لەگەڵ وڵاتانی گەرەنتیکار دژی ناوچەکەیان پێشێل دەکات.

ئاماژە بەوەشدەکات، بەئامانجکردنی کۆبانێ و بۆردومانکردنی مەدەنییە بێتاوانەکان و کوشتنی بەرپرسانی ئیداری لە رێگەی فڕۆکەی بێفڕۆکەوانەوە، ھەڕەشە لە ئاسایش و ئاشتی دەکەن و رێگری و ئاستەنگن بۆ ئۆپەراسیۆنەکان لە دژی داعش.

ئەوە لەکاتێکدایە لە رۆژی دووشەممەی ھەفتەی رابردووەوە سوپای تورکیا لەشکرکێشیی لە ناوچەکانی زاپ و ئاڤاشین و باسیان و مەتینا لە ھەرێمی کوردستان دەستپێکردووە و لەڕێگەی فڕۆکەوە ھێزی کۆماندۆی لە چەند ناوچەک دابەزاندووە.

ر. ئ.