مەودا میدیا-

کەشناسیی هەرێم رایدەگەیەنێت، ئەمڕۆ ئاسمان ساماڵ دەبێت و لە دوای نیوەڕۆوە دەگۆڕێت بۆ نیمچە هەور و هەوری تەواو، سبەینێش ئاسمان هەوری تەواودەبێت و لە شەودا ئەگەری نمەباران هەیە.

لە راگەیەندراوێکدا بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ئاماژە بەوەدەکات "ئەمڕۆ لە هەندێک لە شارەکانی هەرێم ئاسمان ساماڵ دەبێت و لە دوای نیوەڕۆوە دەگۆڕێت بۆ نیمچە هەور و هەوری تەواو".

باسی لەوەشکردووە "سبەینێ ئاسمان هەوری تەواودەبێت لە زۆربەی کاتەکاندا و لەگەڵ ئەگەری نمەباران لە کاتەکانی شەودا بەتایبەت لە ناوچە شاخاوییەکان".

پێشتریش دەسەتەی کەشناسیی عیراق رایگەیاندبوو، لە سەرەتای هەفتەی داهاتووەوە شەپۆلێکی باران بارینی پچڕ پچڕ ناوچە جیاجیاکانی هەرێم دەگرێتەوە.

ر. ئ.