کوردستانی
پارێزگاری هەولێر وشکەساڵی راگەیاند
مەودا میدیا - سلێمانی |
مەودا میدیا-
پارێزگاری هەولێر رایگەیاند، بەپێی ئەو ئەزموونەی لە ساڵانی پێشتردا هەیانە، ئەمساڵیش لە هەولێردا وشكەساڵی دەبێت و ساڵێكی سەخت دەبێت.
پارێزگاری هەولێر رایگەیاند، بەپێی ئەو ئەزموونەی لە ساڵانی پێشتردا هەیانە، ئەمساڵیش لە هەولێردا وشكەساڵی دەبێت و ساڵێكی سەخت دەبێت.
ئەمڕۆ شەممە ئومێد خۆشناو، پارێزگاری هەولێر لە كۆنگرەیەكی رۆژنامەوانیدا رایگەیاند "بۆ ئەمساڵ هیچ هێمایەكی باش نابینین و بەپێی هەڵسەنگاندنەكان و بە ئەزموونی ساڵانی رابردوو و تێگەیشتنی زانستی، ئەمساڵیش لە هەولێردا وشكەساڵی دەبێت و ساڵێكی سەخت دەبێت".
ئاماژەی بەوەشکرد "ئامادەكاریمان كردووە و رەزامەندیی سەرۆك وەزیران وەرگیراوە بۆ خەرجكردنی حەوت ملیار دینار بۆ لێدانی ژمارەیەك بیری دیکە، گوژمەی تریشمان بۆ تەرخان دەكرێت بۆ گرفتی تەكنیكی بیرەكان و بڕیاری راستەوخۆ دەدرێت لەوبارەیەوە".
باسی لەوەش كرد، ئەوەی ئێستا ڕێكارە بۆ دەربازبوون لەمساڵ و بۆ ساڵانی داهاتوو، پلانی درێژخایەن هەیە وەك دروستكردنی بەنداو بۆ چارەسەری كەمئاوی.
ر. ئ.