مەودا میدیا-

بەڕێوەبەرایەتیی پۆلیسی پارێزگای سلێمانی رایدەگەیەنێت مەفرەزەكانی بنكەی پۆلیسی سەرا بە هاوكاری لیژنەكانی قایمقامییەتی سلێمانی توانییان دەستبگرن بەسەر بڕێك خواردەمەنی رێگەپێنەدراودا و تۆمەتبارێکیش دەستگیربکەن.

لە راگەیەندراوەکەی پۆلیسی سلێمانی هاتووە "لەبەردەوامی هەڵمەتی گەڕان و بەدواداچوونەكانی پۆلیسی سلێمانی مەفرەزەكانی بنكەی پۆلیسی سەرا بەهاوكاری لیژنەكانی قایمقامییەتی سلێمانی توانییان تۆمەتبارێك دەستگیربكەن كە لەماڵەكەیدا بڕێك خۆراكی رێگەپێنەدراوی دانابوو بە نیازبوو لە دوكانەكەیدا لەناوبازاڕی شاری سلێمانی ساغی بكاتەوە".

ئەوەش هاتووە "لەماڵی تۆمەتباردا دەستگیرا بەسەر 550 كیلۆگرام گۆشت و قیمەی هیندی و جگەری بەستووی ئێرانی كە سەرجەمیان بە بڕیاری وەزارەتی كشتوكاڵ و تەندروستی قەدەغەن، لەگەڵ 250 كیلۆگرام ساسی ئامادەكراو كە بەهۆی خراپ هەڵگرتنیانەوە خراپ ببوون".

س،ر