مەودا میدیا-

به‌‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ یەکشەممە 24ی نیسان و سبەینێ دووشەممە 25ی نیسانی 2022ی شارەکانی هەرێمی كوردستانی بڵاوكرده‌وه‌.

بەپێی پێشبینییەکانی کەشناسیی هەرێمی کوردستان بێت، بۆ ئەمڕۆ یەکشەممە ئاسمانی شارەکانی کوردستان نیمچە هەور دەبێت و لە هەندێک ناوچە خێرایی با زیاددەکات، پلەکانی گەرماش لەنێوان 27 بۆ 30 پلەدا دەبێت.

هەر بەپێی پێشبینییەکان، سبەینێ دووشەممە ئاسمانی ناوچەکانی هەرێمی کوردستان نیمچە هەور دەبێت و لە هەندێک ناوچەش لە کاتەکانی شەو ئەگەری نمە باران هەیە و پلەکانی گەرما 2 بۆ 3 پلە دادەبەزێت، پلەکانی گەرماش لەنێوان 25 بۆ 28 پلەدا دەبێت.

س.ر