مەودا میدیا-

بەڕێوەبەرایەتیی نەوت و کانزاکانی سلێمانی لە چوارچێوەی هەوڵەکانی بۆ دابەشکردنی نەوتی سپیی ماڵان بەردەوامە و سبەینێش نەوت لە چەند شوێنێکی دیکە دابەشدەکات.

لە راگەیەندراوێکدا بەڕێوەبەرایەتیی نەوت و کانزاکانی سلێمانی ئاماژەی بەوەدا "سبەینێ دووشەممە 25ی نیسانی 2022 نەوت لە قەزای سەیدسادق و هەڵەبجەی تازە دابەشدەکرێت".

ئاماژەی بەوەشکردووە "بۆ هەرخێزانێک بڕی 200 لیتر نەوتی سپی بەنرخی 55 هەزار دینار پێدەدرێت".

لەسەرەتای دەستپێکردنی وەرزی سەرماوە وەزارەتی سامانە سروشتییەکان دەستی بە دابەشکردنی نەوتی ماڵانکردووە و تائێستاش کە نزیک دەبینەوە لە وەرزی گەرما پرۆسەکە کۆتایی نەهاتووە و چەند شوێنێک ماوە نەوت وەربگرێت.

ر. ئ.