مەودا میدیا-

پارێزگاری سلێمانی رایگەیاند، سەرچاوەیەکمان دزۆیوەتەوە و سەرقاڵی گرێبەستین، تاوەکو دوای جەژن نرخی بەنزین هەرزانتر دەبێت.

ئەمڕۆ سێشەممە 26ی نیسان سەبارەت بە دابەزاندنەوەی نرخی بەنزین هەڤاڵ ئەبوبەکر، پارێزگاری سلێمانی بە ئێن ئاڕ تی رایگەیاند "سەرچاوەیەکمان دزۆیوەتەوە و سەرقاڵی گرێبەستین، تاوەکو دوای جەژن نرخی بەنزین هەرزانتر دەبێت".

وتیشی "لە رابردوودا توانیمان نرخی بەنزین بۆ 350 دینار داببەزێنین چونکە راستەوخۆ مامەڵەمان لەگەڵ بەغدا دەکرد، بەڵام ئێستا حکومەتی هەرێم رێگرە و بە نووسراوی فەرمی ئاگاداری کردوومەتەوە کە نابێت مامەڵەی راستەخۆ لەگەڵ بەغدا بکەم، بەڵام من هەر دەیکەم".

ئەوە لە کاتێکدایە ماوەی نزیکی شەش مانگە نرخی بەنزین لە هەرێمی کوردستاندا زۆر بەرزبووەتەوە، ئەوەش گرفتی بۆ هاوڵاتییان دروستکردووە بەتایبەت تاکسی و پاسەکان کە پەیوەستە بە بژێوی ژیانیانەوە.

ر. ئ.