مەودا میدیا-

لە سبەینێوە وه‌زیری دارایی و ئابووری حکومەتی هەرێمی وکردستان دەوامی ئاسایی خۆی دەست پێ ده‌كاته‌وه‌ و بەشداری كۆبوونەوەی سبەینێی ئەنجومەنی وەزیران دەكات.

میدیای فەرمی گۆڕان بڵاویکردەوە سبەینێ چوارشەممە 27ی نیسانی 2022 ئاوات شێخ جه‌ناب, وه‌زیری دارایی و ئابووری دەوامی ئاسایی خۆی دەست پێ ده‌كاته‌وه‌ و بەشداری كۆبونەوەی ئەنجومەنی وەزیران دەكات.

ئاماژە بەوەشکراوە "سه‌رۆكی حكومه‌تی هه‌ریمی كوردستان مەسرور بارزانی پشتیوانی خۆی بۆ وه‌زیری دارایی ده‌ربڕیوه‌ و هاوكاری دەكات بۆ بەڕێوەبردنی باشتری كاروبارەكانی وەزارەت و لابردنی ئاستەنگەكانی بەردەم كۆكردنەوەی داهات و دابەشكردنی مووچە لە سنووری سلێمانی".

ئەوەش خراوەتەڕوو "هاوسەرۆكی یەكێتی نیشتیمانی كوردستان بافڵ تاڵەبانی پشتیوانی خۆی بۆ وەزیری دارایی و ئابووری دەربڕیوە و بەڵێنی هاوكاری تەواوی پێداوە بۆ ئەوەی چاكسازی دارایی و ئیداری پێویست لە سنووری سلێمانی بكرێت و هەماهەنگی تەواوی وەزیری دەكەن و بۆ ئەوەی شێوەیەكى تەواوكێشەی مووچە لە سلێمانی چارەسەر بكرێت".

ر. ئ.