مەودا میدیا-

ئەندامێکی هاوپەیمانی فەتحی لە ئەنجومەنی نوێنەرانی عیراق رایدەگەیەنێت گەلی عیراق لە رۆژانی داهاتوودا شاهیدی بەرەوپێشچوونێکی بەرچاو دەبن لەبارەی قەیرانی سیاسی و پێکهێنانی حکومەتی نوێوە، ئاماژەی بەوەشکرد لایەنە سیاسییەکان دەستپێشخەرییەکەی چوارچێوەی هەماهەنگیان لا پەسندە.

 رەفیق ساڵحی، ئەندامی هاوپەیمانی فەتحی لە ئەنجومەنی نوێنەرانی عیراق بە میدیا عیراقییەکانی راگەیاند " ئاڕاستەیەکی گشتی هەیە لەبەردەم سەرجەم پارتە سیاسییەکاندا بەرانبەر بەم دەستپێشخەرییە کە لەچوارچێوەی هەمانگییدا بۆ چارەسەرکردنی قەیرانی سیاسی کراوە".

ئاماژەی بەوەکرد "ئەمەش لەبەرئەوەی تەواوی لایەنەکان دەسپێشخەرییەکەیان پەسندیانکردووە بە حزبە سوننی و کوردییەکانیشەوە، هەروەها ئەم دەستپێشخەرییە لە پێناو خزمەتکردنی وڵات و هاوڵاتییاندایە و دەکرێت ببێتە هۆی چارەسەرکردنی سەرجەم کێشەکانی عیراق".

ئەو ئەندامەی هاوپەیمانی فەتح ئاشکرایکرد "گەلی عیراق لە رۆژانی داهاتوودا شاهیدی بەرەوپێشچوونێکی بەرچاو دەبن لەبارەی قەیرانی سیاسی و پێکهێنانی حکومەتی نوێوە".

س.ر