مەودا میدیا-

وتەبێژی حكومەتی ئێران رایگەیاند هەموو ئامادەكارییەك كرابوو بۆ رووبەڕووبوونەوەی كۆرۆناو سنورمان بە رووی چین داخست بەڵام بەهۆی كەسانێكەوە ڤایرۆسەكە هاتە ناو ئێران.

عەلی روبێعی، وتەبێژی حكومەتی ئێران بە میدیاكانی وڵاتەكەی رایگەیاند "دەوڵەتی ئێران هەموو ئامادەكارییەكی بۆ رووبەڕووبوونەوەی ڤایرۆسی كۆرۆنا كردبوو، تەنانەت سنورەكانمان لەگەڵ چین داخست تا رێگری لە بڵاوبوونەوەی كۆرۆنا بكەین لە ناو وڵاتمان".

ئاماژەی بەوەشكرد "كەسانێك كە پێشتر سەردانی وڵاتی چینیان كردبوو دوای ئەوەی گەڕانەوە ئێران بەهۆی ئەو كەسانەوە كە لە چین توشبوبوون ئەو ڤایرۆسە لە ئێرانیش بڵاوبووە".