مەودا میدیا-

كۆبوونەوەی دەستەی سەرۆكایەتیی پەرلەمانی كوردستان لەگەڵ سەرۆک فراكسیۆنەكان كۆتاییهات و بڕیارە دانیشتنەكانی پەرلەمان لە 2ی حوزەیرانی ئەمساڵ دەستپێبكاتەوە.

ئەمڕۆ چوارشەممە 25ی ئایاری 2022 كۆبوونەوەی سەرۆكایەتیی پەرلەمانی كوردستان لەگەڵ سەرۆک فراكسیۆنەكان بەرێوەچوو تێیدا باس لەو یاسایانە كران كە ڕەهەندی نیشتمانییان هەیە.

بەپێی زانیارییەكان هەر لە كۆبوونەوەكەدا رێككەوتن كراوە 2ی حوزەیرانی ئەمساڵ كۆبوونەوەكانی پەرلەمانی كوردستان دەستپێبكاتەوە.

بەشێک لە لایەنەکان داوای هەمواركردنەوەی یاسای هەڵبژاردن و یەكلاكردنەوەی كورسیی كۆتاكان و پاككردنەوەی تۆماری دەنگدەران دەکەن بەر لە ئەنجامدانی هەڵبژاردنەكان، چەند لایەنێکیش لەگەڵ ئەوەدا نین.

ر. ئ.