مەودا میدیا-

شارەزایەکی بواری کەشناسیی عیراقی رایدەگەیەنێت، وەرزی باران بارین کۆتایی نەهاتووە و سەرەتای مانگی داهاتوو شەپۆلێکی دیکەی باران بارین عیراق دەگرێتەوە.

سادق عەتیە، شارەزای بواری کەشناسیی عیراق رایگەیاند، ھێشتا وادەی باران بارین کۆتایی نەھاتووە، بەپێی نەخشەکانی کەشناسی پێشبینی دەکرێت لە سەرەتای مانگی داھاتوودا شەپۆلێکی باران بارین عیراق بگرێتەوە.

باسی لەوەشکردووە، لەسەرەتا ھەفتەی داھاتووش پلەکانی گەرما بەرزدەبنەوە، شەپۆلێکی گەرما ناوچە جیاجیاکانی عیراق دەگرێتەوە.

ئەو کەشناسە عیراقییە ئاماژەی بە ئەوەشکردووە، پیشبینییەکان پێویستی بە لێکۆڵینەوەی زیاترە، چونکە چڕی و ناوچەکانی باران بارین ناتوانرێت بە ماوەیەکی زۆر پێش شەپۆلەکە پێشبینی بکرێت.

ر. ئ.